لا مبالغة

بدون مبالغه وبدون مزايده وبدون كذب وبدون بكبكه وحتى لا نحمل وزرين وزر التخاذل ووزر الكذب لن نقول اكثر من لا حول ولا قوة الا بالله العلي العظيم وكان الله في عون اهل غزه ...

والباقي بتعرفوه ...ما في حدا رح يصوم ولا يفطر وما في حدا رح يغادر او يقاطع عادات وسلوكيات تعود عليها في رمضان لعيون غزه واهلها وما في حدا رح ينسى الطبيخ والحلو والعصائر وغيرها ويقول بلاش مشان غزه وما في حدا رح يقول بلاش عزايم نفاق السنه ولاتبرع فيها للإفطار في غزه او لنقسمها بالنص نص لغزه والنص الاخر للنفاق 

ما في حدا رح يقول ساكفل عائله في غزه خلال شهر رمضان او اصل الجرحى في المستشفيات او اجهز كسوه لطفل ..

غزه مدينه منكوبه او مدن منكوبه مر عليها اعصار فيه نار ولا ينفع معها كل هذا الكذب 

صوم وافطر واشرب عصير بدون كذب ولا نفاق على صفحات التواصل وقدم القليل ان استطعت او اختصر ..

بلاش هل استعراض طالع ترمي مساعدات تاجر قيها العدو وكان اهل غزه شبعوا بعد الجوع هناك ما يمكن فعله ولم تفعلوه ...

بلاش متاجره وغزه في مجاعه حقيقيه حتى من يجد الخبز في غزه لا يجد الماء ولا الملح ولا البصل ولا البيض ولا الدجاج ...

في غزه كل شيء نراه مش مهم صار ضروري 

وحتى لا نظلم ونعمم بارك الله جهودا طيبه يقوم عليها اخوه واخوات في الاطعام والكسوه والطبخ والمتابعه ودعم من اهل الخير الذين لا يعرف عن بعضهم ولا يستعرضون ولا تعلم  يمينه ما يقدمه بشماله..

لكنهم قله وهناك أصحاب أموال لا تاكلها النار ما زالوا صامتين او خايفين من العقوبات وعل مصالح ..

وهناك دول يا ويلكم من الله ...

نخاطب الافراد المساكين الفقراء زي حالاتنا ادعوا الله مخلصين لغزه وقت فطركم وفي ساعات السحر ان يفرج كربها وان ينصرها ركزوا عل نصر عل أعداء كلهم وان يرحم شهداءها وتبرعوا لو بدرهم او دولار كلما اتيحت الفرصه ..تبرع وما تقول ما رح تصل تبرع بنيه خالصه واترك تدبير الوصول على الله وثق ان هناك ناس ما زالوا شرفاء وفيهم خير ..ما تعقدوها ولا تسمعوا للمشككين والمثبطين ولا للمنافقين...ريح ضميرك بما تستطيع ولا يكلف الله نفسا إلا وسعها..

وليكن رمضان شهر عباده صيام وجهاد وصدق مع الله ودعاء لعل الله ينظر إلينا اطلبوا من الله ان ينظر إلينا...ربنا لا تؤاخذنا بما فعل السفهاء منا...تقبل الله...