تاريخ النشر: 2025-03-18 | 20:26
تاريخ النشر: 2025-03-18 | 20:26
يا جماعة الخير، طبول الحرب تقرع في كل مكان وعلى افواه المسؤولين الاسرائيليين، استعادة الاسرى تحت النار، القضاء على حماس بالنار،
والله يا جماعة الخير كأن هذول الاسرائيليين بيلعبو "وان مان شو"، بدهم يقتلو وييكسروا وفوقها بدهم الرهائن بتاعينهم على طبق من فضّة، بيشتغلو بطريقة وكأنه العالم بدا اليوم، وكأنهم ما جرّبوا كل هذا لشهور تنوف عن العام، والنتيجة كانت يلّي كلنا بنعرفها، ركضوا في الآخر على التفاوض عشان يوخذو اسراهم،
اليوم بيركبو رووسهم مرّة تانية، نتنياهو بيهدد وكاتس بيهدد وزامير بيهدد، وبيقتلو وبيدمرو في غزة، لكن كل هذا هل بيقربهم من اهدافهم القديمة المتجددة، الجواب يبدو انه لا،
بيقدرو يقتلو وييدمرو، أو كما قال شاعرنا محمود درويش: "منكم السيف ومنّا دمنا"، لكن بييقدرو يحققو اهدافهم، هذا مشكوك فيه يا جماعة،
يعني كاتس الغشيم راح يكون اشطر من غالانت الجنرال، وزامير راح يكون اشطر من هاليفي،
وينهم غالانت وهاليفي الآن؟؟؟، ووين راح يروحو كاتس وزامير!!!،
ياعمّي لا اسرائيل ولا امريكا بيقدرو يوقّفو امام ارادة الشعوب، الشعب يلّي بدّه يتحرر ما حدا بييوقف امامه ولا "بتنيّخه" كل قوى الطغيان في هذا العالم!!!،
روحو خيّطو بغير مسلّه، هذه المسلّة خيّطو فيها منذ السابع من اوكتوبر، وباين ما زبطت معاكم، يعني شو جد حتى تزبط معاكم هلّا؟؟؟!!،
الله والعليم ما راح تزبط معاكم، لان في غزة في هناك "جنودا لم تروها"، والله غالب على امره ولكن اكثر الناس لا يعلمون، صدق الله العظيم.
جميع الحقوق محفوظة لـ أمد للاعلام © 2007 - 2026
