الرئيسية مقالات

نص نعل واعادة التاهيل

تاريخ النشر: 2025-11-05 | 16:26

+ Aa -

زمان كانت الكندره تكفر من المشي فتروح تنخزق من تحت

واءا طرحت فكرة الاغيير او التبديل

بيقولك الاصلاح احسن خذلك بريزه وطير على ابو العبد عند سوق الخضار يركبلك نص نعل بترجع جديده ..اي والله العالم ما رجعها جديده وجهها مجعلك ومخردقه من الجوانب روح بلا كثرة حكي بتسلك معك كمان كم شهر ..

بتروح عند ابو العبد بيمسك الكندره وبيقعد يقلب فيها الكندره مستويه بس شو بدنا نعمل وبعد تفكير بيقول عمي بدك نص نعل جلد بيكلف ربع ليره بدك نص نعل كوشوك ١٥ ..

عمي هي بريزه فش غيرها ركب شو ما بدك اي اشي بيركب معنا كله بيمشي زي مجلس النواب اي اشي بيطلع بيسلك وبيظل مجعلك ..

المهم بترجع بالكندره مكشره وبالدار بيحكولك شايف كيف رجعت جديده مش خساره تكبها اصلا هاي النوعيه فش منها في السوق هل ايام انقطع موديلها ..

والشيء بالشيء يذكر صرنا في السياسه نركب نص نعل

بعد ما تخوزقنا بياسر عرفات راحوا ركبولنا نص نعل اسمه محمود عباس ورجعت فتح بوجه جديد بس مجعلك وفش منه لان موديله خلص

في سوريا بعد الاسد ما قعدنا على الف خازوق ركبولنا نص نعل جلد اصلي ورجعت اصليه وهيو رايح على واشنطن مشان يعطوه وجه بويه ورشة تلميع ..

اميركا شاطرين في حكاية نص النعل كلهم بيرجعوهم اشي مرتب مقطوع وصفه

كيف بدهم يزبطولنا في غزه نص نعل يمشي فوق كل هل دمار والشوارع المحفره والدماء ..

اكيد بدها نص نعل كوشوك لانه الجلد ما بينفع ..

مين ظايل بالحاره بده نص نعل 👞

والله ابو العبد كندرجي شاطر وصار بيعرف كتير وصاحب خبره في الكنادر ...

اكثر من السياسيين روح اقعد عنده نص ساعه بترجع افهم من ترامب ..

الرابط المختصر https://amad.com.ps/ar/post/525298 نسخ الرابط

للمزيد

غزة تستقبل الشتاء بلا مأوى ولا دخل.. حين تتحول المعاناة الإنسانية إلى أزمة اقتصادية

منذ ساعة

نص نعل واعادة التاهيل

غزة تستقبل الشتاء بلا مأوى ولا دخل.. حين تتحول المعاناة الإنسانية إلى أزمة اقتصادية

كبسولات وطنية.. وخافضات حرارة شرفية

فلسطين ليست دارًا للمسنّين سياسيًا… حان وقت الدم الجديد!

الممارسة الديمقراطية تكتمل ، عندما نحترم حقوق الذين نختلف معهم في الرأي