مش معقول

معقول ؟؟؟؟؟

والى متى ستبقى هذه اللغه الخرساء،..

بعين الله ..

ان شاء الله ...

الحمد لله ..

حسبنا الله ونعم الوكيل 

ولا حول ولا قوة الا بالله العلي العظيم...

رغم الصبغه الدينيه توكلنا على الله 

الا انها في الواقع تقول لغه العجز وعدم القدره والاكتفاء بالتواكل والاقرار بالفشل ...

احنا زي الخروف اللى قرر يمشي مشية الغزال لا قدر يمشي ونسي كيف يمشي وصار يتراقص ويهز ليته واضحك كل من راه ..

احنا واسال نفسي اولا احنا مين ..

ثوار لسنا متاكدين 

دول ولا النا علاقه بالدول الا بالاسم لا نملك قرارنا ولا استقلالنا ولا قدره لنا الا على شعوبنا بنضربهم وبنهينهم وبنعتقلهم وبنحكم عليهم لكن لو دخلت مجموعه يهوديه تحمل سلاح الى اي دوله عربيه اتحداكم تنام تلك الليله في السجن وسيتم تامينها بالحفظ والصون مع رسالة اعتذار ..

احنا متدينيين استغفر الله احنا اكذب ناس علاقتنا بالدين والايمان لا تختلف عن علاقتنا بالسلطه او الدوله تحت الحمل بنقول يارب وبنخاف ما بنختشيش او بنستحيس شوفنا في الشوارع واحكم ما تصدق كل صاحب لحيه او عمه او دشداشه ..

هل نحن علمانييين استغفر الله ولا النا علاقه بالعلمانيه ..

مش عارف كيف اشرحها ...

شو احنا ...

جرب سب على اي واحد منا دكتور طبيب مهندس شيخ او ابن شوارع او شوفير تكسي وشوف كيف بيرد عليك لذلك استخدم لغه العموم وانا ابن شعبي ...

شوف كيف نتعامل في خلافاتنا في مشاكلنا في حوادث السير مثلا وتفرج في كل العالم يمكن حلها في دقائق حسب القانون بسهوله ونحن يبدا  السب والشتم وروح خذ عطوه وجاهه لقضايا تافهه بسيطه ..

شوف التغافل والتخاذل ومشيها وخليها على الله ....

كل هل حكي لاصل الى السؤال 

هل فشلنا ...جد هل فشلنا ..

 القصه مش هزيمه المقاومه او تسليم سلاحها لا مش هيك بنحكي عن برامج هل فشلنا كبرامج ..

هل فشلنا كرؤيه هل فشلنا كثوره هل فشلنا كسلطه هل فشلنا كدول هل فشلنا كاحزاب ...

لماذا كلنا نقدس اموات ولا جديد في حياتنا وكاننا خشب مسنده ..

الساحه فارغه واتحداكم اننا نعبد الاصنام والبقر والحمير ...

كل حياتنا نعود الى الماضي والماضي زفت لا كان زمن جميل ولا صرمايه لكنه احسن من يومنا لذلك نحن اليه كان على الاقل بالنا هادي ناكل خبزه وراس بصل  مرتاحين اليوم بتوكل منسف وبيقف على راس معدتك لا يهدا الا برميه الى الخارج ...

نعود الى الماضي ناس ماتوا من الف سنه او اكثر وما زلنا نستهدي بهم او ماتوا قبل ٣٠ او ٤٠ او ٥٠ سنه ومنا من عايشهم ونعلم سوءهم ومصايبهم وما زلنا نقدس سرهم لان من جاؤوا بعدهم اسوء ..

الى متى نخاف والله اننا نخاف وترتجف مهزومين من جوا الكلمه بقطعها  خوف من مارك ونخاف ان نقول رايا ونصفق اذا راينا معلمنا بيصفق ونلعن ابونا اذا تغير المزاج..كلنا خايفين من بعض من قانون الجرائم الالكترونيه من الجلد من الوحش الشعبي من الذباب الالكتروني خليك جنب الحيط خايفين من الاجهزه بنخاف نحط لايك ...مبارح حطيت صوره وحده بتراقب جوزها اشتعل الفيس اليوم كتبت ٣ مواضيع لم احصد لايك واحد ولا اريد ولا اهتم لكن للمفارقه فقط عن واقع الحال .. استمع الى برامج وحواريات وتعليقات وما يكتب واخجل من هذا الانحطاط ومستوى التفاق والكذب يالله اشي مخيف ..

وضعنا بائس ولا نحس خواتيم اعمالنا ...مجرد راي انا مسؤول عنه 

واحترم رايي لانه بقناعه ولا اطلب من احد ان يتوافق معي عليه ...