كان الله في عوننا ..

 لا استغرب ولا يسألني احد شو كنت متوقع غير هيك ...

شو متوقع من الفيس بوك يسمحلك تقول كل شي بدك اياه مثلا كمنبر متاح بلا قيود ..

شو كنت متوقع من العدو يرحمك في الميدان وانت تعرف تاريخه الاجرامي وما ارتكبه من مجازر منذ البدايات وقبل ان نتعرف عليه  هل تتوقع منه رحمه او عطف او انسانيه او خلق او شرف ...لا والله ..

شو كنت متوقع من سلطة أوسلو غير هيك وهذا ما جاؤوا بها من أجله هذه مهمتها وهذا دورها ومن أجل ذلك تعيش سلطة دايتون وأجهزة داينون ما بيعرفوا فلسطين وأن كان على رأسها بعض الأسماء المعروفه التى كانت تحسب على الشرفاء وقضت شبابها في سلك النضال  .

هل هؤلاء ينتمون لفلسطين ويطاردون مقاوما يحمل سلاحه لأجل تحريرها وقضي سنوات من عمره في سجون الاحتلال اسيرا 

هل يملك ذرة شرف من يطلق النار على ام اسيرين وهل وصلت بكم الخسه والنذاله إلى هذا الحد 

هل يعقل ان تعلق المقاومه بين فكي كماشه في طوباس الاحتلال والسلطه مش لهل درجه ..

شو كنت متوقع من الحلفاء ان يدفعوا دما لسواد عيونك او لأنهم من نفس المذهب او الدين او الطينه حتى بين الاخوه الاشقاء من أب وأم اختلافات ومصالح...الجماعه الهم مصالح لازم ينظر إليها والا بيكون التعامل غبي ...

شو كنت متوقع من الأصدقاء وهل كل من قال لك صديق يحسب صديقا بالعمر كله يا دوب تطلع بصديق او ٢ أصدقاء يحفظون غيبتك وينطبق عليهم رب اخ لك لم تلده امك .. بدك ٤ او ٥ آلاف صديق عل فيس بوك يحسبوك صديق لا مش لهل درجه 

شو كنت متوقع حرب بالورود مثلا بدون دماء وبدون دموع وبدون شهداء وبدون دمار وبدون خراب وبدون جوع وعطش مش لهل درجه 

شو كنت متوقع تطول كل هل قد ولا كم يوم او كم اسبوع وتخلص معتقد ان العدو لا يحتمل حربا طويله او فتح جبهتين وكان وهما وتضليلا ..

شو كنت متوقع يصير تحول خلال الحرب وبعض الناس او بعض الدول او بعض الحكام تخجل من حالها مثلا وتغير موقفها ..يعني على طريقة اسمع كلامك اصدقك اشوف عمايلك أتعجب.. 

شو كنت متوقع من القوى والاحزاب والفعاليات والنقابات وغيرها ان تكون سيفا مع المقاومه ام تكون مزايدا وتحمل سيفها عليها مطالبه بما لا يتناسب وتكيل لها الاتهامات ...و في الحروب واذا اردت ان تطاع اطلب المستطاع ...شو عيب هيك 

شو كنت متوقع من هل أقلام والكتاب والصحفيين والشعراء والشاعرات وكل هذا الضجيج بلا طحن بالزبط هيك اسمع ضجيحا ولا أرى طحنا ...اواني فارغه ..

 على هيك على شو كنت راكن او ساند ظهرك اذا كان كلها حيط مايله...

أليس من الضروره الاعداد والحساب الجيد ام خوض المغامرات والمقامره بأرواح الناس والامهم ودموعهم وابنائهم..

ومن قال غير ذلك ...

ربنا يقول 

من المؤمنين رجال صدقوا ما عاهدوا الله عليه منهم من قضى نحبه ومنهم من ينتظر وما بدلوا تبديلا...هدول هم من يحملون الرايه اليوم منهم من قضى نحبه ومنهم من ينتظر وما بدلوا تبديلا..وشعارهم انه لجهاد نصر او استشهاد...

لأجل ذلك كان الله في عوننا