تاريخ النشر: 2019-05-25 | 14:32
تاريخ النشر: 2019-05-25 | 14:32
بحبك يا مصر ,,,
بحب أرضك وطينك
بحب هَرمك ونيلك
بحب ريحة شهيدك !!
***
بحبك زي بلدي
وانت غالية عليّا
وابنك يبقى ولدي
وجيشك هو سندي!!
***
بحب طيبة ولادك
بحبك واسمك بهية
وانت أجمل صبية
بأحلى خضرة وميه !!
***
***
بحب فِطاري بعيشك
مِتغَمس بسمنِ بلدي
مع فول وطعمية
واحلى خبز بلدي !!
***
بحب لما أزورك
أتمشى عَ الكورنيش
في ساعة المغربية
مع سَلطنة وغُنية !!
***
أركب مركب واجيلك
اقعد على شط نيلك
أقزقز لِب وتِرمس
واكل دُرة مشوية !!
***
بحبك يا اسكندرية
يا جميلة يا ماريا
يا أحلى رملة بيضا
وذكرى غالية عَليا !!
***
بحب قِبلي وبحري
بحب صعيدك وبَرك
والناس السمرا دِيا
وهي بتبني بلدي !!
***
بحبك يا اسماعيلية
والمانجا السُكّرية
بحب العريش وسينا
والسويس والسمسمية !!
***
واحب فيك بُرعي
وعوضين ومحمدين
أحب بطرس ومينا
أصل دُول أهالينا !!
***
أحب فيكي الكورة
والأهلي والزمالك
واللي ما يحب مصر
بَدعِي يارب هالك !!
***
واقول تاني وتالت
بحبك يا بهية
راجع لك بكرا تاني
يا أحلى مصراوية !!
جميع الحقوق محفوظة لـ أمد للاعلام © 2007 - 2026
