بهمش يا وطن ) حازميات (1)

- قائد ، يتحدث ليل نهار عن عشق الوطن وحبه الكبير للوطن ويتحفنا بخطبه عن الشفافية ومصلحة الشعب ،

طيب وين اولادك يا قائد ؟؟؟

عايشين بأوروبا والحمد لله ، وحيعودوا زيارة للوطن بس لما يأخذوا الجنسيات الاوروبية ،

احنا بهمنا مصلحتك ومصلحة الورثة تعونك ، وبهمش يا وطن إتحمل !!!

-قائد ، كثير الحديث عن المخيم ومعاناة اللاجئين ويكاد يبكي بخطبه من شدة تعاطفه مع الفقراء والمحتاجين ،

طيب قديش ثمن فيلتك ؟؟؟ شوية ملايين بسيطة ،

وقديش رصيدك بالبنك يا قائد ؟؟؟ كلهم كم مليون باسمك وشوية ملايين باسم زوجتك وقليل من الملايين باسم اولادك ربنا يخليلك اياهم ويكثر عليكم الملايين ، وبهمش يا وطن إتحمل !!!!

-واحد موتور ومهووس طلع بره البلد ، مقضيها من قهوة لقهوة ومن مطعم لمطعم ، وتصوير سلفي وتوزيع ابتسامات ،

ومش ملاحق ينزل بوستات حنين للوطن ولأهله ولشعبه ،

طيب شو الي مقعدك بره البلد يا حج ، ليش ما ترجع وتطفي حنين أشواقك للوطن واهلك ؟؟؟

آه آه ، افهمتك يا ولد ، بره البلد أرزقلك وفي موازنة وبتلم لك شوية مصاري ، وبالمرة بتسوق فيها وطنية وقسوة غربة وحنين للوطن ،

آه يا وطن ، بهمش يا وطن إتحمل !!!

-قائد كذاب وفشل بدل المرة عشرة ، وكل ما بيكذب اكثر وبيفشل اكثر بمسكوه مناصب اكثر ، شو قصتك يا قائد ؟؟؟

طلع الكذاب مرضي عنه من حامل الشنطة ، وطلع عقر وشاطر ويا بختك بحامل الشنطة بحب الكذابين والفشلة ، وبتسألوا ليش الوطن بضيع ؟؟؟

طيب يا وطن بهمش واتحمل !!!

-قيادة يتحدثون عن تحرير الوطن وعن المثالية والشفافية والصلاح ، ينتقدون بذخ السلطة الحاكمة وفسادها بأبشع العبارات ، ويتحدثون باسم الغلابة من خلف افخم المكاتب ، ويعقدون اجتماعاتهم باسم الفقراء في أفخم الفنادق ، ويتلقون أعلي الرواتب والموازنات الشهرية لجيوبهم الخاصة ، وكله بإسم الغلابة والفقراء ومن معاناة الناس ،

وبتحكوا ليش الناس بتكره القيادة والمسئولين ؟؟؟

طيب يا وطن بهمش واتحمل !!!

لعنتوا سنسفيل أبوه للوطن ونهبتوه وضيعتوا الشعب وقهرتوه ،

طيب احنا بهمنا الوطن يا أوباش ،،، حلوا عن هالوطن يا لصوص الوطن ، وبكفي دجل ونفاق وكذب وسرقة وخداع ، بكفي ، اقرفناكم يا أوباش ،