امد/ القاهرة: بكت المذيعة ريهام نعمان، أثناء حديثها عن المؤامرة التي يتعرض لها الرئيس عبد الفتاح السيسي من بعض دول الخليج وعناصر مصرية على حد قولها.
وقالت "نعمان": "وعي الشعب المصري هو اللي حررنا من الجماعة الإرهابية، ولولا وعي الشعب لم تستطع أى دولة عربية معرفة طريقها؟، ولا دول الخليج كمان كانوا هيعرفوا، اوعوا تسمحوا لحد يلعب بعقولكم يا شعب".
وتابعت "احنا خلاص بقى عندنا رئيس وطني، وبيعبر عن تجربة وطنية، وصعبان عليا أشوف حلم كلنا كنا بنحلمه ويجيلنا رئيس وطني يحتوي ويرجع نفوذ وقوة مصر خارجيا، ونتآمر عليه".
وأضافت "دلوقت بنلاقي دول بتتآمر عليه، أنا ببكي على مصر مش على أشخاص، ومن يقول في وسائل الإعلام إن مفيش مؤامرة شخص ساذج أو عايز يغيبك، المؤامرة موجودة منذ أول التاريخ، في قابيل وهابيل، ومحدش يقول ان مفيش مؤامرة والرئيس السيسي مش مجرد رئيس ولكنه تجربة وطنية يا نجحنا لننجو بمصر من المهالك أو فشلنا فربنا يستر على مصر".
