تاريخ النشر: 2025-03-30 | 13:01
تاريخ النشر: 2025-03-30 | 13:01
يا جماعة الخير، يا افاضل ويا اجاويد، هذا نتنياهو، ابن هالحرام، ما عاجبه العجب ولا الصيام في رجب!!!، بدّه ييقوّش على كل شيء،
يعني لمّا المقاومة وافقت على المقترح المصري باطلاق سراح خمس رهائن اسرائيليين عشان وقف اطلاق النار في ايام عيد الفطر وعيد الفصح، وعشان الشعب في غزة يتنفّس هوا نضيف، وييخف عليه القتل والدمار، قام هالنتن "شافها دحّه"، وصار يتبغدد وييتجبّد وييمدد في رجليه اطول من فراشه،
باين إنّه، الله العليم، اعتبر إن المقاومة مزنوقة وبتجري وراه عشان يوافق عالاقتراح المصري،
شو عِمل هذا النتن؟؟، اقترح اطلاق سراح عشرة اسرى، بدل خمسه، يعني الضعف، وقال إنّه منسّق الموظوع مع امريكا،
أي طبعا يا عمّي ما هوّ وامريكا فريق واحد وشور واحد، وخازوق واحد،
المهم إنّه مع كل هالجهود يلّي بتصير عمّاله بييوسّع عدوانه عالقطاع، وبييحتل اراضي جديده،
وطبعا ترامب اللعين مناصره في كل إلّي بيعمله في غزة، وحتى في لبنان وسوريا،
القتل مستمر في قطاع غزة واعداد الشهدا بتزيد واعداد الجرحى والمفقودين بتتضاعف، والعربان ساكتين سابتين، ومختلفين ييعيدو اليوم وإلّا بكره، وكأنه في عيد في بلدانا مع كل هالقتل والدمار!!!،
يا جماعة لسان حال نتنياهو بييقول: "يا فرعون شو فرعنك؟؟؟"
قال: "ما لقيت حدا يردني!!!،
ونتنياهو ما ملاقي حدا يردّه ولا يردعه، عشان هيك "بيبلع وما بدّو يدفع"،
والله يهوّنها يا جماعة، وكل عام وانتو بخير.
جميع الحقوق محفوظة لـ أمد للاعلام © 2007 - 2026
