انا زعلان

وترامب زعلان والعرب كلهم زعلانيين وعباس زعلان وفي غزه زعلانيين وفي اسرائيل زعلانيين 

حتى في روسيا واكرانيا زعلانيين .

قي الاردن رغم مهرجان جرش ومهرجانات الطبيخ زعلانيين 

في الضفه زعلانيين 

شو معقول العالم كله زعلانيين اليوم بعرف اليوم السبت والكل معطلين والدنيا شوب طيب ليش زعلانيين ..

نتنياهو الوحيد.مش زعلان بالعكس مبسوط ..

الباقي كل واحد زعلان من موضوع لا علاقه له بالاخر واذا مش قادر يفتح ثمه ويقول ليش زعلان بيقول زعلان من حماس ..

حماس سبب كل البلاوي ما بدها تعمل صفقه وراحت عملت ٧ اكتوبر 

كان العالم وردي ومنور ومزدهر ولا فيه شرع ولا فرع والكل مبسوط حماس خربت الدنيا ..

شو بيصير لو حماس رجعت الرهائن وسلمت هل كم باروده وخلصنا قبل ما يموت كمان ٢٠ او  ٣٠ الف من غزه جوعا او بالقصف..وخلينا عايشين نقول ماااااع زي الغنم نوكل برسيم  والنتيجه وحده  ...

الكل زعلانيين من حماس ونسيوا اسرائيل نسيوا الحصار نسيوا القنابل نسيوا العشر الاف اسير عند اسراىيل نسيوا ان بن غفير بده يهدم الاقصى ويطرد الفلسطينيه من الضفه نسيوا ان حل الدولتين طار نسيوا ان الفلسطينيه بعد الف اجتماع ولقاء مصالحه في كل عواصم العالم ما اتفقوا نسيوا ان اسرائيل ما زالت تغتصب ارضنا وهناك الاف المستوطنات والف حاجز في الضفه واذا بدك تروح عل حمام لازم تمر على حاجز وتطلع هويتك ..

خلص نسيتوا كل شي وما ظل غير شماعة حماس ..

ترامب الكل حلقوله وبصقوا في وجهه وقالوا له روح انقلع ما قدر يحكي معهم ولحس كلامه مش لاقي حيطه واطيه غير حماس ..

واحد باعت كيسين طحين حمل ربنا جميله وصار معيش الغزاوزه وانقذهم من الموت جوعا وبده اياهم يسبحوا بحمده ويسجدولوا سجدة النلاوه مع كل رغيف خبز ..

الكل زعلانين بدهم الخلاص بدهم يرقصوا ويطبلوا وكان غزه شوكه في حلوقهم الكل زعلانيين من ربنا لانه لليوم مش ساخط الفلسطينيه قرود ومريح العالم منهم ..

اهل غزه زعلانيين من الدنيا كلها اكثر ناس مخذولين وبدهم استراحة محارب باي ثمن يطلعوا هل رهائن ويسلموا السلاح يعملوا اي شي الغزاوي مبارح بيقول يا عمي خلص تعبنا وجعنا ومتنا  ومش لاقيين قبور ومش لاقيين طحين ومش لاقيين مي ..

بدناش فلسطين خذوها اشبعوا فيها بدناش جنه اخذنا حصتنا منها 

بدنا ننام ..

 طيب انا ليش زعلان   

لقد كفرت بكم جميعا ...

بدكم تقاوموا حتى اخر غزاوي 

بدكم تجاهدوا حتى اخر حمساوي وتكفرون به وتتهمونه بانه كان عميلا 

تاكلون وهم جائعون تنامون وهم لا يجدون ارضا ولا سماء

ما بين منافق وما بين عاهر وما بين وسيط سمسار وما بين حشاش وما بين ازعر او بلطجي او هامل ..

لم يجد ويتكوف او ترامب بالامس واحد فقط واحد يقول له خسئت انت تكذب ليست حماس هي السبب وقد وافقت على ما لا تقبل به العواهر من اجل الوصول الى صفقه لكنكم لا تريدون ..

الكل سكت ومن نطق نطق كفرا وقال حماس السبب اخرجوهم من دياركم العنوا ابوهم اخونجيه سبب خراب الامه اقتلوهم حيث ثقفتموهم ...

هناك من يهددهم بالموت واخر بالطرد واخر بالاعتقال واخر بالشنق ليش يا عالم شو عاملين كلها شوية مقاومه كلها مشان خواتكوا ...

بلاش اغلط بيكفي هيك..