اليوم بدنا نحكي بالبلدي وعالمكشوف

حكومتي حكومتي حكومة مين؟ والشعب موجود يا ريس إنتا نسيت إنك بدك تفويض جديد وخلصت مدتك؟ ومين قلك بدنا إياك؟ ..إنتا خربت الدنيا

 الطبالين بيقولوا إنو خطة الرئيس نجحت وهو ثعلب سياسي وحماس رضخت للرئيس بدون عنف وجاب حماس لعندو.. لا يا طبالين الزفة مش الرئيس تبعنا .. السيسي هو اللي انتصر عالإخوان ... صح ؟؟ واصلا الرئيس مأزووم زيو زي حماس ... الاتنين مفلسين بكرة تشوفوا .

كل الناس بتقلوا ما تروحسش عالمفاوضات .. وهو بيروح وبيخسر .. بيخسر شو بيخسر؟ استيطان وبتكبر معاناة الناس وبيوقف في وجه الناس وبيقول ما فيش انتفاضة !! ومش حنغرق اسرائيل باللاجئين والتنسيق الأمني مقدس .. بيداقر في مين ؟ في الشعب طب هو رئيس على مين .. ليش ما بيرد على الشعب ؟

 عباس بيخطب من غير نفس ومبوز و"بتحلف وبيبحر لما قال راح ييجي غزة" مسكين !!!! أهل غزة ماتوا من الخوف

 هل تنازلت حماس عن تمسكها بوزارة الأسرى ؟ قنعكوا عباس علشان فلوس أوروبا واسرائيل ... قال بدهم يعطوا الاسرى اهتمام أكثر .. قال في أسرى جوا وفي أسرى برا .. بتضحك على مين يا اللي بترقص في العتمة ؟

 لماذا لا يأتي الرئيس ولا رئيس الوزراء ولا حتى عزام قبل ذهاب المستنكفين لعملهم ليتابعوا الأمر ... ألحمدالله بيصدر أوامر بالتحاق المستنكفين خلال 24 ساعة من بعيد ... شكلهم عايشين في الخيال .. لما بيكون الموضوع فانتازي بيبعتوا عزام ولما يكون الموضوع في احتكاك بالاجهزة الأمنية بيرموا الغلابة الموظفين والعسكريين للنار ... تعالوا اوقفوا مع الناس

 حكومة التواطؤ على غزة ... شغلتوا موظفين حماس .... وين 70 ألف خريج من الشباب والصبايا ما حدا جاب سيرتهم خالص ... أحزاب بتتقاسم المقدرات وهدول الشباب والصبايا اللي قربوا يعنسوا أهم من أمن الحكام وعساكركم وموظفينكم يا اللي ما عملتوا شيء للوطن .. مين مسئول عن ضياع مستقبلهم بكرة تشوفوا العجب منهم

 كيف يعني حكومة ما إلها بالسياسة هو إحنا اللي بيحكمونا إسرائيليين وممنوع علينا السياسة وهاي إدارة مدنية ومسميينها حكومة وبدل ما بتصرف عليها اسرائيل بيصرف عليها الإتحاد الاوروبي ... تمويه علينا وإلا شو ؟كيف يعني حكومة ما إلها بالسياسة هو إحنا اللي بيحكمونا إسرائيليين وممنوع علينا السياسة وهاي إدارة مدنية ومسميينها حكومة وبدل ما بتصرف عليها اسرائيل بيصرف عليها الإتحاد الاوروبي ... تمويه علينا وإلا شو ؟

 حكومة التواطؤ تضحك على الناس من جديد ::

لا أحد سيدفع لهم الأموال المطلوبة لعلاقاتهم السيئة بالعرب وديكتاتوريتهم التي مارسوها على شعبنا ولن يحلوا مشاكل البلد التي نهبوها وسيهربون من ثقل المسؤولية إلى الانتخابات غصب عنهم للتخلص من التركة الكبيرة

 مصالحة نعم .. يضحكوا عليكو تاني لا .. خليكو صاحيين .. مطالب وضغط متنيموهمش كلهم جربناهم وإلا في حدا عندو كلام تاني ؟ بتطلعوا شعب مغفل عالآخر ..

ولا واحد طبال ورقاص تخلوه يضحك عليكو زي زمان .. هيكوا شفتوا كيف بيبيعوا الشعب لمصالحهم الحزبية والذاتية اللي في غزة واللي في رام الله .. الثمن اللي دفعتو غزة كبير حرام بعد كل هاي التجربة ترجعوا مغفلين .. الشعب أقوى منهم جميعا لو فهم التجربة المريرة !!!