يا رب…
أنا فلسطيني وجروحي من زمان
نازح بخيمة عالتراب، بلا سقف وبلا أمان
البرد ذبحنا، والسقعة كسّرت العظم كمان
ريح وعواصف ومطر، والموت واقف عالباب استنّانا
شاكيلك همّي يا رب، والدمعة بحر أحزان
غربة بوطني، وبيتي صار ذكرى وحنين وحرمان
لا حدا سأل، لا حدا حسّ، لا رحمة ولا إنسان
والعالم سامع صوتنا، بس ساكت مثل القبور كمان
خراب ودمار، وجوع ومرض وحصار
والدم الفلسطيني رخيص بكل الأخبار
صبرنا يا رب… صبر الجبال وصبر النار
بس قولي ليمتى الصبر؟ والقلب صار إنكسار
إحنا بشر مش أرقام ولا صور عالشاشات
بدنا دفى، بدنا ستر، بدنا نرجع عالبيوت والذكريات
يا رب لا تتركنا للريح والمطر والآهات
فرجك قريب… وإحنا واقفين رغم كل الممات
جميع الحقوق محفوظة لـ أمد للاعلام © 2007 - 2026
