تاريخ النشر: 2017-01-20 | 20:10
تاريخ النشر: 2017-01-20 | 20:10
غزة النور والتنور
غزة الحرية والسور العالي
حاملة راية الوطنية
وقعت وما تسمى عليها
لا دستور ولا حضور
شيوخ وجلابيب الإخوانجية
حطوا الإيد عليها
قالوا : تغيير وإصلاح
والحرية بالقنطار
والسعادة بالترامال ما في إلها مثال
والتحرير على الأبواب
بعض العباد ناموا على
تخاريف الإخوانجية
لا شافوا حرية ولا تغيير
والظلم والظلام والتعتير
والفتاوي الربانية
الفقر والفاقة والتشبيح
لا شغل .. لا حرية
لا كهربا .. لا غاز
لا مية .. لا معبر
عنوان المرحلة الإنقلابية
ومن ضريبة لضريبة
لزينة دقون الحرامية
بيوتهم ومكاتبهم مضاوية
زي الفل مية في المية
لاحقين الناس من حارة لحارة
وقالوا : الكهربا مش للكل
ورصاصهم الأسود طالع نازل
على كل الوطنية
واللي بيرفع صوته "خاين" للعدو
وقيادات مخصية من الأفندية
بياناتهم خرسة وصحفهم صفرا
نسيوا الحرية والجماهير الشعبية
والتحرير صار ملوش اهمية
وغزة صارت لعبة بيد الحرامية
لبسوا العمامة والعباية وحملوا
المسبحة العاجية
وقرأوا آياتهم الشيطانية
وكل ما دق الكوز بالجرة
إتهموا الشرعية ومزقوا صور
رموز الوطنية والحرية
الناس بدها كهربا وحرية
بدها سفر ووحدة وطنية
الناس كفرت بالشيوخ التكفيرية
الناس ما عادت تخاف
من زعران الإخوانجية
غزة بدها الضفة والقدس وكل الفلسطينية
والوحدة الوطنية
الناس قررت ونزلت
على شوارع الحرية
هتفت ما بدها شمع ولدات
بدها الكهربا مية في المية
بدها حياة آدمية
بدها غزة تعود لربان الحرية
غزة ما عادت تحمل
أكاذيب الإخوانجية
غزة راية ورمح الوطنية
غزة نار وبارود على اعداء الحرية
غزة ما بدها وعود من الحرامية
غزة بدها سواعد تبني
وحكومة وحدة وطنية
مش شيوخ الحكومة الربانية
غزة وخانيونس ورفح وجباليا وبيت حانون
وبيت لاهيا والشجاعية والنصيرات والبريج
والمغازي ودير البلح وعبسان وبني سهيلا
صوت واحد للحرية
غزة صغيرة في الجغرافيا
وكبيرة في الدفاع عن الوطنية
***
جميع الحقوق محفوظة لـ أمد للاعلام © 2007 - 2026
