روح كرم والخال الأبنودي

ياقلبي بتصرخ ليش عليهم
دُل ناس مالهمش عازة
أنت فاكرهم حيرفعوك
ولا يعني حتى حيسمعوك
ماكانش حد غلب من قبلك
ولا يعني ما اسمك كرم
بدك تتكرم عليهم بزيادة
يا سيدي ارحل معنا
ما احنا ياما كتبنا
ولا شو يعني غيرنا
هيك أمة بدها خيارة
اعملها سلطة يا شبطي
وخليها تلم وتحكي عتابا
ما انا عارفك حار مثل الفلفل
بتحرق بنفسك وانت ياعيني وحدك
عاشق يا ولداه وحاسس بيك
منا كنت مثلك بيوم
لما كنت طفل صغير بحلم
عروبة وحرية وتحرير
في الآخر رحلت
وما اتحررت معي
ولا بعدي
خبرني يا طير ليش
ما بعرف ليش اخترتك

شو أقلك يا خال
والله الحال ببكي أكثر
ما حدا فينا بيعرف
بعدك انقسمنا واتفرقنا

آه يا وليدي ما انا شفت
وشو خلاني أستعجل الرحيل
غير النزف والبكاء والعويل
ما احنا هيك بالصعيد
بس رجال وما نهاب حد

سلملي علي جمال يا خال
وعلى النجم العاشق لفلسطين
ما هو كان مثلك وقال
ما بدي أموت غير لما تتحرر البلاد

إن شفت ابو عمار والحكيم ما تحكيلهم
ما بدنا نحزنهم علي وطن ضاع
صار زربيحة يا خال وشو نقول ونحكي
رحلت أجيال وأجيال وبعدنا عم نبكي
كان نفسي أفرحك ولو بخبر واحد
بس فتشت بذاكرتي وما القيت
غير ذكريات لكل من رحل وتركنا

مايهمك منهم وابقى أكتب
سامعك وما تفكر أني بعيد عنك
بالمناسبة شو قصة السماح معك

ضحكتني يا خال هههههه
كمان هاي واصلة لعندك

ولا كيف فاكرنا اموات
أنتم إلي ميتين مش احنا
عايشين مع بعضينا باجمل صحبة
معاي كل من آمن بالثورة
وبعدنا بنكتب وبنغني وبنسهر
الشيخ امام بيعزف لينا
ودرويش بيزورنا
مثل ما كان حيران
بعده يا عيني زعلان
مشتاق يسمع خبر حلو
فرحوا ياكرم ميشان خاطري

والله يا خال ما بعرف أكذب
هجرت عالم السياسة من زمان
هيني بخربش كيف ما تطلع معي

صاروا بقروا إلك ولا بعدهم
مثل ما تركناهم

مصمم تخجلني تاني يا خال
بس شو بدي أقلك
والله فيهم الخير
الباقي بجامل أوقات
ما هو صار عالم الفيس
الأكثرية بدها خد وهات
وانت عارف المفكر مثل التيس
ما بتفرق معهم شاعر ولا كاتب
موضة وغزت العالم
واحنا بنبحث عن نص مدهش
ولا قصيدة تعمر معنا وتعيش
بالك ننجح يا خال
ولا راح نفضل نكتب للأموات

سؤالك مردود وبده جواب
أتركني مع الأحياء

صدقت والرسالة وصلت
يااااااااااااا خال