تاريخ النشر: 2020-08-25 | 07:21
تاريخ النشر: 2020-08-25 | 07:21
ودًول مستعدين
والشعب رايح في الرجلين
تقول لمين وتحكي لمين
فلسطينين مع المحتلين
معركة الحق المبين
والأمعاء خاوية بسبب مجانين
منقسمين ومختلفين
والقصة فيها ملايين
نفخ بلالين وحرق شياطين
ماشي يا عم ومتفقين
بس فهمنا لوين رايحبن
تحرير ولا مقاومة دكاكين
واحنا مش لاقيين لا عدس ولا طحين
لا مي ولا كهرب ولا كمان فوزلين
والله ريحتنا طالعة بتقشعر المساكين
فقر وغلابة وحلمهم عيشة زعتر وتموين
غزة والكتاب مفتوح من الشمال لليمين
من قرفي حبيت أغني واعزف طيب ويعدين
يعني هيك حالة اشتباك بترضي النايمين
يلا نقوم ونصحى ونفكر كيف ننقذ الميتين
شايفهم يتحركوا في مقبرة خيال وواقع لعين
ما برحم ولا بترك حد يحلم ويصدق مع العطشانين
للحياة والأمل واليقين
اصدقوا وعاهدوا شعبنا والوطن وكلنا منتظرين
وحدة وحرية يمكن تحل القضية ونعلي راية السابقين
شهداء وجرحى وأسرى وتاريخ بنتظر كتابة الياسمين
في وردة وبندقية بتحمل نزف وبتقاوم المتصهينين
من الأعراب للعراب للعرب والعقل زينة المتقدمين
علم وثقافة وفكر ورغيف حاف مغمس بكرامة المشرقين
بشمس الروح وقمر الليل بنسهر وبندافع عن المظلومين
محرومين
من كلمة حرة ومن لمسة عتاب بتسكن المقهورين
خاطبوكم مليون مرة ومرة عودوا لرشدكم يا متحكمين
اعقلوها وافهموها وهيها مكتوبة في البلدي يا وطنيين
مش محتاجة ترجمة ولا نظارة طبية كيف ما تقرأوها مبسوطين
بحس ثوري يجمعنا ويصل صوتنا للعالم والكون هنا بيت فلسطين
جميع الحقوق محفوظة لـ أمد للاعلام © 2007 - 2026
