"حضن" منى زكي وأحمد حلمي يشعل مواقع التواصل الاجتماعي - صور

أمد/ القاهرة: من جديد عاد الزوجان منى زكي وأحمد حلمي ليشعلا مواقع التواصل الاجتماعي، بعد العناق الطويل بينهما على إثر فوزها بجائزة أفضل ممثلة في أول حفل لأوسكار السينما العربية عن دورها في فيلم "أسوار القمر".

وآثار كل من منى وأحمد إعجاب نشطاء "فيس بوك"، حتى أنهما أصبحا قدوة جديدة في الحب والاحتواء، ونموذج للزواج الناجح.

وطالبت العديد من الصفحات، الفتيات، بعدم التنازل عن زوج مثل أحمد حلمي، يحب زوجته ويقدرها، ولا يخجل من الإعلان عن ذلك أمام الملايين، بل يفخر بنجاحها ويساندها فيه.

وتزوجت "منى زكي"، من "أحمد حلمي"، وكانت وقتها من أبرز نجمات جيلها، بينما كان "أحمد" لا يزال يشق طريق النجومية، وبعد زواجهما أصبح من أشهر نجوم الصف الأول، بل ينتظره الملايين كل عام لمشاهدة آخر أعماله.

وقالت إحدى المعجبات "ووسط هذا العالم البائس.. تأتي قصة حب ‫أحمد حلمي ومنى زكي لتعيد لنا الأمل من جديد".

بينما قالت "نادية الخولي": "صدقيني انتِ مش أقل من "‫‏منى زكي" عشان تتجوزي حد واقف في طريقك !! أنتِ تستاهلي اللي عينه تلمع أما تنجحي في أي حاجة بتحبيها، تستاهلي إنك تجري عليه تحضنيه قدام الناس عادي، تستاهلي إنه يقول للراجل ثواني ياعم أنت مش شايفني بحضن" عشان هو لسه مشبعش من لحظة الفرحة معاكي".

وتابعت "تساهلي حاجة حلوة و راجل حلو، متستعجليش فرحة الفستان مش هتطير، المهم الفرحة تكمل لقدام زي الصورة دي، المهم تلاقي الضهر و السند في خطوات حياتك اللي حافظ عليكي ويحافظ علي وعده ليكي، تلاقي اللي يقولك كملي مش اقفي، يقولك نجاحك من نجاحي، استني الراجل الحلو،عشان تعيشي اللحظة الحلوة زي دي".

وأضافت "الفرحة مش حضن يوم الفستان، الفرحة اللي بجد هي اللي في الحضن ده، ربنا يحميكوا و يديم الحب اللي بينكم و يبعد عنكم العين، ويرزقنا الفرحه والحضن اللي يديم العمر كله".

ونشرت إحدى الصفحات منشور، قالت فيه "منى زكي لما انتشرت إشاعة طلاقها من أحمد حلمي في المرة الأخيرة وسألوها هل ده صحيح! ردت من غير تفكير: مقدرش ده الحب كله، ولما تامر حبيب نده اسمها عشان تستلم جائزة أحسن ممثلة عن فيلم أسوار القمر، أول حاجة راح أحمد حلمي قايم وحاضنها و شاور لتامر حبيب إنه يستنى عشان يعبرلها عن فرحته بيها".

وأضافت "في حاجات كتير تعبر عن الحب غير كلمة بحبك والغيرة والحاجات دي كلها، فرحته بنجاحك، مسكته لإيديك وهو متبت كأنكوا لسه couple جديد بعد سنين جواز، يتمنى إنك تبقى أحسن وأحسن و يساعدك مش يهدمك، والأهم من كل ده يرمي كلام الناس كله وراء ضهره".