بعد خراب مالطا ..

نعود ونقول يا ريت اللي جرى ما كان ..يا ريت نقطع لساني ياريت اتكسرت ايدي ولو زرعنا اللو لطلع يا ريت ...
يا ريت ولو من عمل الشيطان وكلنا بنعملها يعني احنا شغالين مع الشيطان ..ليش هاي بدها سؤال او حكي ؟؟؟ شيخ المشايخ فينا بيقول انا مستعد اتحالف مع الشيطان المفتي بيقول بشتغل مع الشيطان حكامنا الشيطان بيشتغل مستشار عندهم .. الشيطان فرد من افراد العيله علي طول قاعد معنا في الصالون وعل طاوله وغرفه النوم والشارع وحتي علي سجاده الصلاه ..
في خراب الاوطان الشيطان ملوش شغل . الله يلعن الشيطان لا يا عم الشيطان وطني اكثر منى ومنك الشيطان ما بيقولك تتعامل مع اليهود ولا تنسق امني ولا تجيب اميركا وتيجيي فيها تغزو العراق ولا تلعب في ملعب ايران ولا تسمع كلام قطر ولا تعمل انقلاب ولا تتطبع مع اسرائيل ولا تقطع خاشفحي في السفاره ...لا الشيطان هاي مش شغلته هاي من صنع ايديكم وبايديكم بيسموها هوم ميد خبز بلدي طابون ..
من اسقط الاوطان نحن من مزقها نحن من تامر نحن من تلاعب نحن من خان نحن من تقاعس نحن من انقسم نحن من يرفض المصالحه نحن من لا يريد الوحده نحن من لا يحب الخير لوطنه نحن من الفاسد نحن من ومن ومن كلها من صنع ايديينا وبعدين بيطلع بيقلك الله يلعن الشيطان ...ربنا بيقول الا لعنه الله علي الظالمين ...عارفين من الظالمين الذين ظلموا انفسهم عارفين مين احنا ...
بعد خراب مالطا ياتي ويعتذر وبيقلك الاعتذار شجاعه بعد خراب مالطا بيقول والله ما كنت عارف هيك رح يصير وبعد خراب مالطا بيقول وانا مالي كنت بتفرج بعد خراب مالطا بيقول كل القصه كنت مجرد سحيج بعد خراب مالطا بيقول شو كلها مجرد فتوي واستغفرت بعد خراب مالطا وحبلت بيقول جوزوهم مش مشكله .. كلنا حبلنا بيتعرفوا مين ركبنا في ساعه شيطان ولا ساعه فرفشه كل واحد يسال حاله ليعرف يسجل المولود باسم ابيه ..
بعد خراب مالطا العايط في الفايط ما بينفع ...