تاريخ النشر: 2013-12-04 | 13:11
تاريخ النشر: 2013-12-04 | 13:11
*
يا عم احمد فؤاد
يانجم
يا موّال الغلابه في نايات الصبر عالسجان
يا أجمل لحن يتغنى بسيف الثورة عالطغيان
يا آه وليل
وطرح نخبل
ونسمة رفرفة أشواق
بتحضنا عشط النيل
يا سيف الحق
وشمس الثورة في الميدان
بحبك.. مش لإنك شاعر وفنان
لإنك غاية الإنسان
يا ثورة جيل
طرح فكرة في كل مكان
**
يا عم احمد فؤاد
يا نجم
غزلت الشمس من شوقك
في باب الخلق والقلعة
ونبض الثورة في عروقك
فتح للمجد ميت جامعة
وألف كتاب
من حروفها سنابل نور
بشاير خير
بترفرف بعطر تراب مداين مصر
وتزرع في الطريق الوعر
جناين نصر
وتحيا مصر
**
بنيت من فكرة الأشعار ساحات المجد
وطرّزت الندى غنوة عخد الورد
ولمّيت الغلابة العشّاقين للثورة في حروفك
رميت خوفك
وخليت امتداد الكون على قلبك مدى شوفك
وعمرك آه
ما قلت الآه
مهما اسودت ظروفك
لأنك فارس الفرسان
وسيفك فوق فرس عزمك بمليون حد
لا تخشى مين
ولا مين اللي كان يقدر يهين طيفك
لأنك شاعر وإنسان
قضيت عمرك أسد جامح في كل ميدان
كتبت الغنوة في قلوب البشر تطرح مشاتل شهد
يا عم احمد
يا ورد الورد
قلوب الناس في كل مكان
بتحبك صحيح عن جد
لأنك شاعر وإنسان
مفيش في الثورة زيّك حد
مفيش في الشعر زيّك حد
**
خليل مكاوي
غزة / فلسطين
جميع الحقوق محفوظة لـ أمد للاعلام © 2007 - 2026
