النديه والحقوق...

إسرائيل ما بتعرف الخجل ولا بتستحي وتعلم تماما انها على باطل وانها مغتصبه لحق الفلسطينيين في وطنهم وارضهم وان كل شعوذاتهم وخرافاتهم تقوم على باطل وكذب وتلفيق وقصه الوطن القومي والحق التاريخي والالهي كذبه كبري اخترعوا لتسويق مخططهم... والعالم حقير وصاحب مصالح وكذاب وواقف مع القوي ونحن بنخجل وبنستحي وبكلمه حلوه أو فخده بيضاء بنسامح او بنطنش على قوله وانا مالي...
الحقوق مش لعبه ومش من حق حدا يتلاعب فيها ولا يخجل او يسامح على حساب غيره... اليهودي عينه قويه ومش صاحب حق ورغم هيك بيطالب وما بيسامح واذا أعطاك من مالك او شقفه من أرضك بيربحك مليون جميله.. عوده الي الباقوره والغمر حيث تبين ان لليهود فيها ٨٢٠ دونم في الباقوره اما الغمر فما زالت القصه مغموره ومش واضحه... طبعا الحكومه ومن باب المسامحه والتسامح والكرم أعطت المزارعين والملاكين اليهود حق استخدام أراضيهم ولم المحصول ولا يعرف العدد... قلنا امنا بالله في أملاك خاصه وما بيصير الاستيلاء عليها اما يتم اعاده شرائها او استملاكها لغايات النفع العام ودفع البدل المناسب او السماح لمالكيها باستغلالها والانتفاع بها حسب القانون. .. لحد هون تمام ما علينا عيب بالمقابل يا اخوان في النا ارض ومسجله بقواشين واصحابها موجودين ومن حقهم الانتفاع بارضهم... ما بنحكي نبادل ولا نتبادل لا مش هيك القصد بنحكي حق مقابل حق ونديه في التعامل... للاردنيين الالاف الدونمات في ام الرشراش وغيرها وفي الاغوار وللاردنيين من أصول فلسطينيه مئات الالاف الدونمات في يافا وحيفا واللد والرمله واسدود وقزازه ووادي الصرار... شفناها واليهود بيزرعوها وبيوكلوا خيرات ارضنا عينك عينك... انتو مش احسن منا واذا القصه زعرنه معاكو حق احنا اوادم ومش زعران طبعا انتم لا علاقه لكم بالقانون ولا احترام القانون ولا الدول المجاوره قادره على فرض احترامها ولا استعاده حقوقها... بس بنقدر نقول لليهود ما في تدخلوا على بلدنا بدكو فيزه والفيزه بدها ٦ أشهر بحث وتدقيق أمني واذا واحد من الاردن بيشتغل معكوا بنقص رقبتوا وهيك بنجننهم اقل ما فيها اذا مش قادرين نقلهم لا بحكم اتفاقات موقع عليها عبد السلام وما خد بيدري شو فيها خوازيق... بكره نتنياهو رح يضم غور الأردن ونحن ما ندري شو رح نضم وننام..