أسرار عن الرئيس المصري عبد الفتاح السيسي .. وماذا قالت عنه زوجته؟ تفاصيل

القاهرة: تمتلئ حياة الرؤساء دائمًا بالكثير من المواقف؛ خاصة في النشأة، حيث إن صفة "القيادة" دومًا ما تظهر مبكرًا في حياتهم وتجعل الجميع يتنبأ لهم بمستقبل باهر، وبعيدًا عن المواقف الرسمية، كشفت السيدة انتصار السيسي، حرم الرئيس المصري عبد الفتاح السيسي، الكثير من الأسرار عن نشأة السيسي، وذلك خلال لقاء لها مع الإعلامية إسعاد يونس، والذي نال اهتماما كبيرًا من الشعب المصري.

أول لقاء بينهما.. إنسان مسؤول

كشفت السيدة انتصار السيسي، حرم الرئيس عبدالفتاح السيسي، تفاصيل أول لقاء بينهما، قائلة: "هو جه عند جدتى اللى هى خالته، أول ما كلمنى ماحستش إنه واحد جاى يحب.. ده بيقولى أنت بتذاكرى كويس، وقالى ورينى كده - كنت عاملة جدول امتحانات – قالى ذاكرى كويس، لأن المذاكرة دى هى اللى هتوقف جنبنا، قلتله: جنب مين؟ أنا أصلا لسه يدوب بتعرف".

وأضافت حرم الرئيس السيسي، "كانت البداية فيها جدية، تحسسك إن الإنسان ده مسئول، واتكلمنا وعرفت منها ايه السبب اللى خلاه يبقى عاوز المواصفات دى، لأنه هيبقى ضابط، وهيبقى مسئول، ومش هيكون متواجد بالبيت فعاوز اللى يختارها تكون قد المسئولية اللى هتمشى معاه مشوار حياته".

إنسان حنين.. وهو من علمها الطهي

قالت السيدة انتصار السيسي، حرم الرئيس عبدالفتاح السيسي، إن شخصية الرئيس السيسي لم تتغير إطلاقا، مضيفة: "من أول الجواز، ومكنتش بعرف أعمل أكل وهو اللى علمنى.. ووقف معايا وساعدنى بمنتهى طول البال والحنية.. هو إنسان حنين على أسرته كلها".

وأضافت حرم الرئيس السيسي: "الرئيس كان حنين على الأسرة الكبيرة والدته وأخواته وهذه أكثر صفة تصفه الناس بها..  حنيته على أهله".

ورث عن والده حسن الإدارة

وعن والد الرئيس عبد الفتاح السيسى، قالت: "باباه طول عمره إنسان جاد، والمحلات بتاعة خان الخليلى بالرغم إنها كانت كتير إلا أنه بيديرها إدارة رائعة وأولاده كلهم خدوا منه حسن الإدارة، وكان عنده كمية عمالة كتير جدا، وهم خدوا منه الالتزام."

نزل إلى العمل بعد زواجه بيومين

أكدت السيدة انتصار السيسي، حرم الرئيس عبدالفتاح السيسي، إنها لم يجمعها بالرئيس عبد الفتاح السيسى "شهر عسل"، قائلة " "بعد ما اتجوزنا كنت أنا خلصت الكلية وهو ماكنش عنده وقت لشهر العسل خالص، وإحنا اتجوزنا يوم الخميس وكان يوم الأحد في الشغل".

يعشق شغله

أضافت حرم الرئيس السيسي: وهو بيحب شغله جدا وليه ديما أسبقية فى تفكيره للمرحلة اللي هو داخل عليها"، مشيرة إلى أن الرئيس: "بيحب كمان المتابعة، ولما بيكون موجود في مكان يحب جدا يكون عارف كل تفاصيله.

الرئيس يعشق الخضار

قالت السيدة انتصار السيسي : "الرئيس بيحب كل أنواع الخضار ويمكن الأولاد طالعين نفس الحكاية، وهما تقليديين جدا، والسلطة لازم تكون معمولة كويس جدا وكل أنواع الخضروات تكون فيها، والحلو كنافة أو بسبوسة والأولاد طالعين بيحبوا الحلويات الشرقية.

تربينا في أحياء شعبية

قالت السيدة انتصار السيسي، حرم الرئيس عبدالفتاح السيسي، إن أسرة الرئيس كانت تقيم في حي الجمالية، موضحة: "كنا في شارع الجيش.. كان من الأحياء الشعبية حيث الأصول والمحبة والجيرة.. والجيران كان لها وضع خاص بالنسبة لكل الدنيا، ولو فيه مناسبة سعيدة كلهم بيتكاتفوا ويقفوا مع بعضهم وكذلك في المناسبات غير السعيدة".